I 2023 etablerte Soltun Besøksgard ein marknadshage som leverte grønsaker til 15 andelsbønder frå juni til oktober. I år utvidar me plassane og det vil være mogeleg for fleire å få giftfrie, miljøvenlege, smakfulle og næringsrike grønsaker ferske frå åkeren gjennom sesongen. Me vil dyrke ein stor variasjon av grønsaker og spennande variantar av dei tradisjonelle kjende grønsakene som me vanligvis kjøper i butikken.

I vårt andelslandbruk er det ingen dugnadsplikt, men det oppfordrast til å delta i det sosiale felleskapet. I løpet av sesongen vil det arrangerast kurs relatert til bruk og foredling av grønsaker og urter, dyrkekurs og andre hagekurs. Desse kursa vil andelsbøndene ha førstrett på og få rabatterte prisar.

Grønsakene må hentast på garden annakvar tysdag mellom kl 12-18, det vil då og vere mogeleg å kjøpe egg frå gardens høns. Me ynskjer i år å teste ut tilnærma embalasjefri levering. Dette vil sei at andelsbøndene må ta med seg sin eigen «embalasje» som dei vil frakte grønsakene heim i, Mange vel då å nytte seg av oppbevaringsboksar dei allereie nyttar i kjøleskapet sitt for god organisering og lengre haldbarheit.

Har du spørsmål? send oss gjerne ein mail eller ring oss på 46827307.